C3 ಮತ್ತು C4 ಸಸ್ಯದ ಬಗ್ಗೆ ರೈತರು ತಿಳಿದುಕೊಳ್ಳಬೇಕಾದ ಮಾಹಿತಿ

ಪರಿಚಯ: ಬದಲಾಗುತ್ತಿವ ಹವಾಮಾನ ವೈಪರೀತ್ಯ ಮತ್ತು ಕೃಷಿಯಲ್ಲಿನ ಏರುಪೇರುಗಳ ಕುರಿತು ಸಾಕಷ್ಟು ಚರ್ಚೆಗಳು ಮತ್ತು ವಿಚಾರಗಳು ಸೇರಿದಂತೆ ವಿಜ್ಞಾನವೂ ಸಹಿತ ರೈತರಿಗೆ ಹಲವು ನವೀನ ರೀತಿಯ ಕೃಷಿ ಪದ್ದತಿಗಳನ್ನು ಅಳವಡಿಕೊಳ್ಳಲು ಹರಸಾಹಸ ಪಡುತ್ತಿದೆ. ಬದಲಾಗುತ್ತಿರುವ ಈ ಜಗದಲ್ಲಿ ಕೃಷಿಯಲ್ಲಿ ವಿವೇಕಪೂರಕವಾದ ತಂತ್ರಗಳನ್ನ ಅಳವಡಿಕೊಂಡಲ್ಲಿ ತುಂಬಾ ಉಪಯುಕ್ತ.

ಪ್ರತಿಯೊಂದು ಸಸ್ಯವೂ ದ್ಯುತಿ ಸಂಶ್ಲೇಷಣೆಯ ಮೂಲಕ ತನ್ನ ಆಹಾರವನ್ನು ತಯಾರಿಸುತ್ತದೆ. ಇದೆಲ್ಲರಿಗೂ ತಿಳಿದ ವಿಚಾರವೇ, ಈ ಪ್ರಕ್ರಿಯೆಯಲ್ಲಿ ಸೂರ್ಯನ ಬೆಳಕು, ನೀರು ಮತ್ತು ಕಾರ್ಬನ್ ಡೈಆಕ್ಸೈಡ್ ಸೇರಿ ಸಕ್ಕರೆ ಮತ್ತು ಆಮ್ಲಜನಕವನ್ನು ಉತ್ಪಾದಿಸುತ್ತವೆ. ಆದರೆ ಎಲ್ಲಾ ಸಸ್ಯಗಳು ಒಂದೇ ರೀತಿಯ ದ್ಯುತಿ ಸಂಶ್ಲೇಷಣೆ ಮಾರ್ಗವನ್ನು ಅನುಸರಿಸುತ್ತಿಲ್ಲ ಎಂದರೆ ಆಶ್ಚರ್ಯವೆನಿಸುವದಿಲ್ಲವೇ, ಸಸ್ಯಗಳು ಕಾರ್ಬನ್ ಡೈಆಕ್ಸೈಡ್ ಅನ್ನು ಹೇಗೆ ಸ್ಥಿರಗೊಳಿಸುತ್ತವೆ ಎಂಬುದರ ಆಧಾರದ ಮೇಲೆ ಸಸ್ಯಗಳನ್ನು C3 ಮತ್ತು C4 ಎಂದು ವರ್ಗೀಕರಿಸಲಾಗುತ್ತದೆ.

ಈ ಎರಡು ವಿಧಾನಗಳ ಅರಿವು ರೈತರಿಗೆ ತಮ್ಮ ಪ್ರದೇಶಕ್ಕೆ ಸೂಕ್ತವಾದ ಬೆಳೆಗಳನ್ನು ಆಯ್ಕೆಮಾಡಲು, ನೀರಿನ ನಿರ್ವಹಣೆಯನ್ನು ಸುಧಾರಿಸಲು ಮತ್ತು ಉತ್ಪಾದಕತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

C3 ಸಸ್ಯಗಳು ಎಂದರೇನು?

C3 ಸಸ್ಯಗಳು ಭೂಮಿಯ ಮೇಲೆ ಸಾಮಾನ್ಯವಾಗಿ ಕಂಡುಬರುವ ಸಸ್ಯಗಳು. “C3” ಎಂಬ ಹೆಸರು, ದ್ಯುತಿ ಸಂಶ್ಲೇಷಣೆಯಲ್ಲಿ ಮೊದಲನೆಯದಾಗಿ ರೂಪುಗೊಳ್ಳುವ ಸ್ಥಿರ ಸಂಯೋಜನೆಯು ಮೂರು ಕಾರ್ಬನ್ ಅಣುಗಳನ್ನು (3-phosphoglyceric acid PGA) ಹೊಂದಿರುವುದರಿಂದ ಇವಕ್ಕೆ “C3” ಸಸ್ಯಗಳು ಎಂದು ಕರೆಯುತ್ತಾರೆ.

ಮುಖ್ಯ ಲಕ್ಷಣಗಳು

1) ಶೀತ, ತೇವಾಂಶಯುಕ್ತ ಹವಾಮಾನ ಮತ್ತು ಮಧ್ಯಮ ಸೂರ್ಯ ಬೆಳಕಿನಲ್ಲಿ ಉತ್ತಮವಾಗಿ ಬೆಳೆಯುತ್ತವೆ. 2) ಫೋಟೋರೆಸ್ಪಿರೇಶನ್ (ಶಕ್ತಿಯ ನಷ್ಟವಾಗುವ ಪ್ರಕ್ರಿಯೆ) ಕಾರಣದಿಂದ ಬಿಸಿಲು ಮತ್ತು ಒಣಹವಾಮಾನದಲ್ಲಿ ಕಡಿಮೆ ಪರಿಣಾಮಕಾರಿ. 3) ಬಿಸಿಲು ಹವಾಮಾನದಲ್ಲಿ ಬೆಳವಣಿಗೆಗೆ ಹೆಚ್ಚು ನೀರಿನ ಅಗತ್ಯವಿದೆ.

ಉದಾಹರಣೆಗಳು

ಅಕ್ಕಿ, ಗೋಧಿ, ಓಟ್ಸ್, ಆಲೂಗಡ್ಡೆ, ಹತ್ತಿ, ಶೇಂಗಾ, ಸೋಯಾಬೀನ್. ಅನುಕೂಲಕರ ಪರಿಸ್ಥಿತಿಗಳು ತಾಪಮಾನ: 15–25°C ಹೆಚ್ಚಿನ ತೇವಾಂಶ ಮತ್ತು ಮಧ್ಯಮ ಸೂರ್ಯ ಬೆಳಕು ನಿಯಮಿತ ನೀರಿನ ಪೂರೈಕೆ

C4 ಸಸ್ಯಗಳು ಎಂದರೇನು

C4 ಸಸ್ಯಗಳು ಹೆಚ್ಚು ಪರಿಣಾಮಕಾರಿ ಪ್ರಕಾಶಸಂಶ್ಲೇಷಣೆಯ ಮಾರ್ಗವನ್ನು ಹೊಂದಿವೆ. ಈ ಸಸ್ಯಗಳಲ್ಲಿ ಮೊದಲನೆಯದಾಗಿ ರೂಪುಗೊಳ್ಳುವ ಸಂಯೋಜನೆಯು ನಾಲ್ಕು ಕಾರ್ಬನ್ ಅಣುಗಳನ್ನು (Oxaloacetic acid) ಹೊಂದಿರುವುದರಿಂದ “C4” ಎಂದು ಕರೆಯಲಾಗುತ್ತದೆ.

ಮುಖ್ಯ ಲಕ್ಷಣಗಳು

1) ಹೆಚ್ಚು ಉಷ್ಣತೆಯಲ್ಲೂ ಮತ್ತು ಬೆಳಕಿನ ತೀವ್ರತೆಯಲ್ಲಿ ಉತ್ತಮವಾಗಿ ಬೆಳೆಯುತ್ತವೆ. 2) ಫೋಟೋರೆಸ್ಪಿರೇಶನ್ ಕಡಿಮೆ, ಅಂದರೆ ಶಕ್ತಿಯ ಬಳಕೆ ಹೆಚ್ಚು ಪರಿಣಾಮಕಾರಿ. 3) ಒಣಹವಾಮಾನದಲ್ಲಿ ಸಹನಶೀಲತೆ ಮತ್ತು ಕಡಿಮೆ ನೀರಿನ ಬಳಕೆಯಲ್ಲಿಯೂ ಸಮೃದ್ಧವಾಗಿ ಬೆಳೆಯಬಲ್ಲದು.

ಉದಾಹರಣೆಗೆ: ಮೆಕ್ಕೆಜೋಳ, ಜೋಳ (ಸೊರಘಮ್), ಸಕ್ಕರೆಕಬ್ಬು, ಸಜ್ಜೆ , ನೇಪಿಯರ್ ಹುಲ್ಲು, ರಾಗಿ. ಅನುಕೂಲಕರ ಪರಿಸ್ಥಿತಿಗಳು: ತಾಪಮಾನ: 30–40°C ಒಣ, ಸೂರ್ಯನ ಬೆಳಕುಳ್ಳ ಪರಿಸರ ಮಳೆಯಾಧಾರಿತ ಅಥವಾ ಅರ್ಧ ಒಣ ಪ್ರದೇಶಗಳಿಗೆ ಸೂಕ್ತ

C3 ಮತ್ತು C4 ಸಸ್ಯಗಳ ಪ್ರಮುಖ ವ್ಯತ್ಯಾಸಗಳು:-

ರೈತರಿಗೆ ಈ ಜ್ಞಾನ ಏಕೆ ಅಗತ್ಯ?

a) ವಾತಾವರಣ ಪ್ರಕಾರ ಬೆಳೆ ಆಯ್ಕೆ ಬಿಸಿಲು ಮತ್ತು ಒಣ ಪ್ರದೇಶಗಳಲ್ಲಿ, C4 ಬೆಳೆಗಳು (ಮೆಕ್ಕೆಜೋಳ, ಸಜ್ಜೆ , ಸಕ್ಕರೆಕಬ್ಬು) ಉತ್ತಮ ಆಯ್ಕೆ. ತಂಪು ಅಥವಾ ನೀರಿನ ಪೂರೈಕೆ ಇರುವ ಪ್ರದೇಶಗಳಲ್ಲಿ, C3 ಬೆಳೆಗಳು (ಅಕ್ಕಿ, ಗೋಧಿ) ಉತ್ತಮವಾಗಿ ಬೆಳೆಯುತ್ತವೆ.

b) ನೀರು ಮತ್ತು ರಸಗೊಬ್ಬರ ಯೋಜನೆ C3 ಸಸ್ಯಗಳಿಗೆ ಹೆಚ್ಚು ನೀರಿನ ಅಗತ್ಯವಿದೆ ಮತ್ತು ಒಣಹವಾಮಾನದಲ್ಲಿ ನಾಜೂಕಾಗಿರುತ್ತವೆ. C4 ಸಸ್ಯಗಳು ಕಡಿಮೆ ನೀರಿನಲ್ಲಿ ಸಹ ಉತ್ತಮ ಉತ್ಪಾದನೆ ನೀಡುತ್ತವೆ.

c) ಹವಾಮಾನ ಬದಲಾವಣೆಗೆ ಹೊಂದಿಕೊಳ್ಳುವುದು ಜಗತ್ತಿನಲ್ಲಿ ತಾಪಮಾನ ಹೆಚ್ಚುತ್ತಿರುವುದರಿಂದ, C4 ಬೆಳೆಗಳು ತಾಪಮಾನ ಸಹನಶೀಲತೆ ಮತ್ತು ನೀರಿನ ಪರಿಣಾಮಕಾರಿ ಬಳಕೆ ಕಾರಣದಿಂದ ಭವಿಷ್ಯದ ಆಹಾರ ಉತ್ಪಾದನೆಗೆ ಮುಖ್ಯವಾಗುತ್ತವೆ.

5. ರೈತರಿಗೆ ಉಪಯುಕ್ತ ಸಲಹೆಗಳು ಬೆಳೆ ಪರಿವರ್ತನೆ (crop rotation) ಯನ್ನು ಜಾಣ್ಮೆಯಿಂದ ಯೋಜಿಸಿ — C3 (ಅಕ್ಕಿ) ಮತ್ತು C4 (ಮೆಕ್ಕೆಜೋಳ) ಬೆಳೆಗಳನ್ನು ಪರ್ಯಾಯವಾಗಿ ಬೆಳೆಸಿ. ಬೇಸಿಗೆಯಲ್ಲಿ C4 ಬೆಳೆಗಳನ್ನು ಆಯ್ಕೆಮಾಡಿ ಉತ್ತಮ ಉತ್ಪಾದನೆ ಪಡೆಯಿರಿ. ನೀರಿನ ಪೂರೈಕೆಯನ್ನು ಯೋಜಿಸಲು ಈ ಜ್ಞಾನವನ್ನು ಬಳಸಿ — C4 ಬೆಳೆಗಳಿಗೆ ಕಡಿಮೆ, C3 ಬೆಳೆಗಳಿಗೆ ಹೆಚ್ಚು. ನಿಮ್ಮ ಪ್ರದೇಶದ ತಾಪಮಾನ ಮತ್ತು ಮಳೆಯ ಮಾದರಿಯನ್ನು ತಿಳಿದು ಬೆಳೆ ಆಯ್ಕೆಮಾಡಿ.

ಸಾರಾಂಶ: C3 ಬೆಳೆಗಳು ತಂಪು ಮತ್ತು ತೇವಾಂಶಯುಕ್ತ ಪರಿಸರದಲ್ಲಿ ಉತ್ತಮವಾಗಿ ಬೆಳೆಯುತ್ತವೆ, C4 ಬೆಳೆಗಳು ಬಿಸಿಲು ಮತ್ತು ಕಡಿಮೆ ನೀರಿನಲ್ಲಿ ಉತ್ತಮವಾಗಿ ಬೆಳೆಯುತ್ತವೆ. ಹವಾಮಾನ ಬದಲಾವಣೆಯ ಹಿನ್ನೆಲೆಯಲ್ಲಿ, ಸಸ್ಯಗಳ ಶಾರೀರಶಾಸ್ತ್ರದ ಅರಿವು ರೈತರಿಗೆ ನೀರು ಉಳಿಸಲು, ಬೆಳೆ ಆಯ್ಕೆ ಸುಧಾರಿಸಲು, ಮತ್ತು ಉತ್ಪಾದನೆ ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಕೃಷಿ ಸಂಭಂದಿತ ಮಾಹಿತಿಗಾಗಿ ಉಚಿತವಾಗಿ ಸೈನ್ ಅಪ್ ಆಗಿ ಮತ್ತು ಸಂಪರ್ಕದಲ್ಲಿರಿ

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: 8746808090 ವಾಟ್ಸಾಪ್: 8746808090 ಈಮೇಲ್: info@kakudagri.in